Wat is hoë bloeddruk?

Leer meer oor hoë bloeddruk en hoe om hierdie sluipmoordenaar te vermy.

Hoë bloeddruk (hipertensie) kan hartsiektes, beroerte, ander kardiovaskulêre siektes, chroniese niersiekte en demensie veroorsaak. Leer meer oor hoë bloeddruk sodat jy hierdie noodlottige gesondheidsprobleme kan omseil.

Hoe werk bloeddruk?

Die bloedsomloopstelsel dra bloed, gevul met suurstof, deur die liggaam sodat weefsels en organe goed kan funksioneer. Die hart genereer druk wat bloed deur ‘n netwerk van bloedvate, are en slagare stoot, en hierdie druk staan bekend as bloeddruk.

Die twee kragte waaruit bloeddruk bestaan, is sistoliese druk, wat geskep word wanneer die hart pomp, en diastoliese druk, wat geskep word wanneer die hart tussen slae rus.

Jy het bloeddruk nodig vir bloed om in jou liggaam rond te beweeg, maar as jou bloeddruk te hoog is, is jy in gevaar.

Hoe benadeel hoë bloeddruk my gesondheid?

Hoë bloeddruk plaas stremming op die hart en bloedvate, wat klein skeurtjies in delikate weefsels binne die are veroorsaak. Slegte LDL-cholesterol begin plaak vorm rondom die skeurtjies en dit vernou die are en veroorsaak verdere skade aan die hart, are en die res van die liggaam, wat die risiko vir toestande soos ‘n hartaanval en beroerte verhoog.

Hoe word bloeddruk gemeet?

Bloeddruk word gemeet in millimeter kwik (mm Hg). Navorsers stem saam dat die gemiddelde bloeddruk gedurende die dag nie meer as 130/80 mm Hg moet wees nie. Jy sal met hipertensie gediagnoseer word as jou bloeddruk konsekwent bo 140 sistolies of 90 diastolies is. Die volgende tabel, gepubliseer deur Mediclinic, toon die normale reekse van bloeddruk en die vlakke van hipertensie vir Suid-Afrikaners aan:

Bloeddruk	Sistolies (mm Hg)	Diastolies (mm Hg)
	Normaal
Optimaal	120 of minder	80 of minder
Normaal	Minder as 130	Minder as 80
Hoë Normaal	130 -139	80 – 89
	Hipertensie
Vlak 1	140 – 159	90 – 99
Vlak 2	160 – 179	100 – 109
Vlak 3	180 of hoër	110 of hoër

Suid-Afrikaners kan hul bloeddruk by ‘n plaaslike apteek, Clicks, Dis-Chem, of ‘n algemene praktisyn toets.

Jy kan ook jou bloeddruk by die huis meet – praat met jou dokter oor die beste bloeddruk-monitors. Alternatiewelik het die Suid-Afrikaanse Hipertensievereniging meer inligting oor monitors.

Hoë bloeddruk is dodelik

Mediclinic meen dat meer as 6,2 miljoen Suid-Afrikaners bloeddruk hoër as 140/90 mm Hg het. Meer as 3,2 miljoen hiervan het bloeddruk hoër as 160/95 mm Hg, ‘n vlak wat volgens navorsers onaanvaarbaar hoog is. Ongeveer 53 mans en 78 vroue sterf elke dag in Suid-Afrika weens die impak van hipertensie.

Hoë bloeddruk kan dodelik wees. Die toestand staan bekend as die “sluipmoordenaar” aangesien hipertensie gewoonlik geen simptome toon nie. Die beste manier om hoë bloeddruk te voorkom, is om jou bloeddruk gereeld te meet en risikofaktore binne jou beheer te bestuur.

Risikofaktore

Risikofaktore vir hipertensie kan in drie kategorieë verdeel word:

dié wat jy nie kan beheer nie, soos jou familie se gesondheidsgeskiedenis, etnisiteit, sowel as jou ouderdom.

dié wat jy kan beheer, soos om oorgewig te wees, nie te oefen nie, sigarette te rook, ongesonde koskeuses te maak en sekere soorte voorbehoedmiddels te gebruik.

gepaardgaande siektes of orgaanskade wat ook jou risiko kan verhoog, soos hoë cholesterol, hartsiektes, hartversaking, diabetes, beroerte, nierskade, retinale skade en skade aan bloedvate.

As jy hoë bloeddruk het, sal jou dokter medikasie voorskryf. Jy kan ook hipertensie bestuur of voorkom deur te fokus op die risikofaktore binne jou beheer.

As jy met vetsug sukkel, praat met jou dokter of dieetkundige oor die regte gewigsverliesplan vir jou.
Probeer gereeld oefen. Die American College of Cardiology en die American Heart Association adviseer dat jy oefening van matige intensiteit vir 40 minute sessies, drie tot vier keer per week doen. As jy sukkel om vir 40 minute te oefen, kan jy ook elke dag drie of vier oefensessies van 10 tot 15 minute doen. Jy kan klein begin en jou pad opwerk na ‘n oefensessie van 40 minute.
Hou op om te rook.
Verander jou dieet. Gee spesiale aandag aan jou natrium-inname. Beperk sout oor die algemeen tot 2 300 milligram (mg) per dag. ’n Laer daaglikse natrium-inname van 1 500 mg of minder is egter ideaal vir die meeste volwassenes.
Praat met jou dokter oor voorbehoedmiddels.

Samevatting

As jy meer leer oor bloeddruk en oor die nadelige gevolge van hoë bloeddruk het jy die eerste stap geneem om hierdie “sluipmoordenaar” weg te hou. Kontroleer jou bloeddruk gereeld en werk aan die risikofaktore binne jou beheer.

Bloed sirkulasie probleme? Probeer Manna Blood Circulation Support!

Hoe werk Manna Blood Circulation Support?

Die bestanddele in Manna Blood Circulation Support help om stikstofoksied vry te stel om mikro-kapillêre bloedvloei te verhoog. Dit kan ook ongewenste bloedlipiedvlakke verlaag en lipiedneerslae in are oplos.

Die verskillende bestanddele werk op ‘n holistiese manier om te help met positiewe bloedvloei.

Voordele van Manna Blood Circulation Support

Ondersteun kardiovaskulêre gesondheid deur stikstofoksied-produksie te bevorder en bloed makliker deur die liggaam te help vloei.
Ondersteun gesonde bloeddruk en versterk die immuunstelsel.
Suiwer die lewer en verwyder ammoniak.
Verbeter seksuele stamina en verbeter die liggaam se herstel na ‘n intense oefensessie.