6 Maniere om Ooreet Stop te Sit

Leef jy om te eet?

Om gewig te verloor, moet jy oefening doen en gesond eet. Maar wat as jy leef om te eet? Wat as jy te veel eet? Dit kan moeilik wees om nie te ooreet nie, maar as jy kan beheer hoeveel jy eet, sal jy in ‘n baie beter posisie wees om jou gewig te beheer.

Hoe weet ek of ek ooreet?

Om te bepaal of jy te veel eet is nie so eenvoudig nie.  

Die ideale aantal kalorieë wat jy per maaltyd moet inneem, wissel na gelang van jou gesondheidsdoelwitte, behoeftes en mediese toestand. Dit maak dit vir individue uitdagend om hul optimale kalorie-inname akkuraat te bepaal.

Meer as om net op te let hoeveel kalorieë jy inneem moet jy ook leer om bewus te word van wanneer jy versadig voel. 

Alhoewel dit uitdagend is om vas te stel of jy ooreet, is daar is ‘n paar tekens waarvoor jy kan uitkyk. Let op die volgende:

• Hou jy aan eet nadat jy versadig voel?
• Eet jy sonder om te dink as jy verveeld is en afleiding soek? 
• Is jy naar, opgeblaas of het jy sooibrand nadat jy geëet het?
• Eet jy vir ander redes as om jouself te voed? 

Gelukkig is daar dinge wat jy kan doen om op te hou ooreet.

6 eenvoudige dinge om te doen as jy te veel eet

1. Oefen om teenwoordig te wees wanneer jy eet

Mense het gejaagde leefstyle en is geneig om vinnig te eet sonder om stil te sit. Baie mense doen ander take terwyl hulle eet, of dit nou is om deur middagete voor die rekenaar te werk of aan skyfies te peusel terwyl hulle na hul gunsteling TV-program kyk.

Hierdie gedrag dra by tot ooreet. Dit is baie meer waarskynlik dat jy meer kos sal eet wanneer jy nie aandag gee aan wanneer, waar en wat jy eet nie.

Tegnieke om teenwoordig te wees wanneer jy ‘n maaltyd geniet:

• Sit by ‘n tafel en eet: Gee aandag aan die kos en geniet die ervaring.
• Vermy afleidings terwyl jy eet: Moenie die TV, of ‘n skootrekenaar aanskakel nie.
• Eet stadig: Neem tyd om te kou en die kos te geniet. Hierdie tegniek help met gewigsverlies, aangesien dit ‘n jou brein genoeg tyd gee om te herken dat jy versadig is en dit  kan help om jou eetlus in toom te hou.

2. Moenie uit die verpakking eet nie

As jy aartappelskyfies direk uit die pak eet of roomys uit die bak geniet kan jy maklik meer kos eet as wat jy eintlik nodig het.

Baie verversings word verpak in groot pakke of houers. Hierdie groot porsies moedig ooreet aan 

Skep eerder jou verversings en kos in klein borde en bakkies om te help om die aantal kalorieë wat jy in een sit eet te beheer.

3. Vermy sneller-kos

Ons het almal spesifieke kosse wat veroorsaak dat ons vinnig ooreet. As jy weet wat jou sneller-kosse is en hulle kan vermy kan jy dalk ooreet vryspring. 

As jy byvoorbeeld geneig is om blokke sjokolade op ‘n slag te eet, kan jy besluit om nie sjokolade in jou huis te bere nie. Hoe moeiliker dit is om toegang tot ‘n spesifieke kos te kry, hoe minder waarskynlik is dit om dit te ooreet.

Sommige kosse, soos gemorskos, is meer verslawend as ander. ‘n Studie van 2015 het gekyk na verslawende eetgewoontes in 518 mense en gevind dat die volgende kos die mees verslawend is:

1. pizza
2. sjokolade
3. aartappelskyfies
4. koekies
5. roomys
6. slaptjips
7. kaasburgers
8. koeldrank (nie dieet nie)
9. koek

Die keuse van gesonder opsies soos appelskywe met grondboontjiebotter, hummus met groente of neute kan beter eetgewoontes aanmoedig.

5. Verminder stres

Dit is maklik om jou gevoelens te eet wanneer jy onder stres is. Om ooreet te vermy, is dit noodsaaklik om daaglikse stres te verminder.

Wanneer jy gestres is, verhoog jou kortisolvlakke. Kortisol is ‘n hormoon wat veroorsaak dat jy honger voel. Navorsing het stres gekoppel aan gedrag soos ooreet, gereelde honger en gewigstoename.

Gelukkig is daar verskeie ongekompliseerde metodes om daaglikse stres te verminder, soos om na musiek te luister, tuin te maak, te oefen en deel te neem aan aktiwiteite soos joga, meditasie en asemhalingsoefeninge.

6. Stabiliseer bloedsuikervlakke

Om die heeltyd honger te wees is ‘n algemene simptoom van hoë bloedsuikervlakke.

Dis ‘n bose kringloop. Hoë bloedsuikervlakke veroorsaak dat jy baie koolhidrate en soetgoed eet, wat lei tot stygende bloedsuikervlakke, wat jou weer opnuut laat honger voel.

Die eet van witbrood, koekies, lekkergoed en ander kosse hoog op die glukemiese indeks kan lei tot ‘n skielike styging en daaropvolgende daling in bloedsuikervlakke. Hierdie piek in bloedsuiker is gekoppel aan verhoogde gevoelens van honger en kan bydra tot ooreet.

Om hierdie potensiële gevolge te vermy, is dit raadsaam om kosse te kies met laer glukemiese indekse. Bone, hawer en bruinrys is uitstekende voorbeelde van sulke alternatiewe.

Samevatting

As jy kan ophou om te veel te eet, sal jy jou gewig baie beter kan beheer. Geniet gesonder kosse en doen genoeg oefening. Jy sal goed op pad wees om daardie ekstra kilo’s af te skud.